Janiye Bollywood Celebrity Skin ki Beauty ka Raaz, Aishwarya-Priyanka Ke Saath

Celebrity Beauty Secrets

Jaisa ki hum sabhi jante hai ki, Bollywood actresses apni beauty ke liye jaani jaati hai. Yah actresses apni movies ke liye din raat makeup lagakar rakhti hai, par fir bhi unki skin healthy aur clean rahti hai. To hum aapko film industry ki kuch khoobsurat actresses ke beauty secrets batane jaa rahe hai. Janiye Bollywood Celebrity Beauty Secrets ki kahani, unhi ki zubaani….

Haalhi me ek famous Bollywood makeup artist Rajesh Patil ne in heroines ki beauty ka raaz khola hai. Rajesh peechle 25 saalo se film industry me kam kar rahe hai. Iss dauran unhone Priyanka Chopra, Rani Mukharjee, Diya Mirza jaisi badi badi actresses ke saath kaam kiya hai aur unki beauty ka raaz jaana hai, jise unhone share kiya hai.

Aishwarya Rai Aur Priyanka Chopra Ki Beauty Ka Raaz Hai Kuch Khass

Makeup artist Rajesh ne kaha ki, Priyanka Chopra ki skin puri tarah se balanced hai. Unki skin naa to jyada oily hai aur naa hi dry hai. Mary Kom actress Priyanka Chopra ka skin tone dusky hai. Chaliye ab dekhte hai ki, Priyanka Chopra kya tips dena chahti hai beautiful aur healthy skin pane ke liye.

Priyanka Chopra Skin Care Tips:

priyanka

 

 

Bollywood movie Dil Dhadakne Do actress, Priyanka Chopra ne diye unke kuch skin care tips, jinhe vah rozana apne upar apply karti hai. Dekhiye is beautiful celebrity skin ka raaz, Priyanka Chopra skin care tips….

 

 

 

 

  • 1 cup paani lijiye.
  • Usme 2 chammach rice powder milaiye.
  • Rice powder milane ke baad usme, 1 chammach honey (Shahad) milaye.
  • Ab is mishran ko 30 minute ke liye rakh dry hone dijiye.
  • Aadhe ghante baad is mishran se apne chehre, gale aur garden par acchi tarah se massage kare.

Is mishran ko lagane ke baad aapki skin bahut soft aur dust free ho jayegi aur aap khud ko bahut tarotaaza mahsoos karenge. Iske alawa priyanka ne bataya ki unhe natural therapies jyada pasand hai. Unhone bataya ki vah rozana apne face aur body par yogurt (dahi) lagati hai. Unke according dahi ek bahut hi accha moisturizer aur skin brightener hai.

To yah hai miss world Priyanka Chopra skin care tips, jinhe unhone aap sabhi ke saath share kiya hai. To apnaiye Peegee chops ki in natural care tips ko aur ho jaiye unki tarah beautiful. Jaisa ki hum sabhi jante hai. Bollywood ki sabse beautiful actress Aishwarya Rai Bachchan beauty with brain ka ek perfect combination hai. Aishwarya Rai ne aaj tak bahut kuch achieve kiya hai. Unhone Bollywood ke alawa Hollywood ki bhi kai films ki hai.

Aishwarya Rai ki beautiful skin ka raaz hai unki healthy lifestyle. Aishwarya aur healthy rahna aur apne parivaar ko healthy rakhna bahut pasand hai. Apni skin ko healthy rakhne ke liye Aishwarya khoob saara paani peeti hai. Unka manna hai ki, paani peene se unki skin ko energy milti hai aur vah hamesha young feel karti hai. To aaiye hum jante hai kuch Aishwarya Rai skin care tips….

Aishwarya Rai Skin Care Tips

Aishwarya Rai Bachchan Skin Care

  • 1 chammach besan (gram flour) lijiye.
  • Besan me thodi haldi (turmeric) aur doodh (milk) milaiye.
  • Is mishran ko apne chehre par lagaiye aur 20 minute tak rahne dijiye.
  • Jab yah puri tarah se dry ho jaye to apna chehra thande paani se dho lijiye.

Is mishran ko apne chehre par lagane ke baad aap khud ko bahut hi tarotaaza mahsoos karenge. Iske alawa Aishwarya Rai skin care tips ke aur bhi raaz hai. Aish ke according aapko rozana chehre par ek healthy aur natural facemask zarur lagana chahiye. Aish apne daily routine me rozana cucumber face mask ka use karti hai. Unke according isse vah bahut hi tarotaaza feel karti hai.

 

 

 

 

To yeh the Bollywood ki 2 miss worlds Celebrities ke skin care tips. Agli baar hum aapko batayenge kuch naye actress ke health aur beauty secrets.

Get more details about Bollywood actresses beauty here at Celebrity Beauty Secrets

Be the first to comment on "Janiye Bollywood Celebrity Skin ki Beauty ka Raaz, Aishwarya-Priyanka Ke Saath"

Leave a comment