Kareena Kapoor Beauty Secrets: Dikhiye Bebo Jese Sundar

Kareena Kapoor Beauty Secrets

Bollywood ki khubsurat actress Kareena Kapoor Khan apni sundarta aur zero size figure ko lekar kai logo ko kafi pasand aati hai. Har kisi ke dilo ki dhakan to hai hi saath hi apni fitness aur beauty ki wajah se wah aaj adhikansh ladkiyo ki role model bhi ban gayi hai. To aaiye jante hai Kareena Kapoor Beauty Secrets aur apnate hai taki hum bhi unki tarah fit aur attractive dikh sake.

Kareena Kapoor Khan ek bold and beautiful hasina to hai hi saath hi apni damdar abhinay ki wajah se inhe kafi saraha jata hai. Abhi recently unki film Salman Khan ke saath aayi huyi film‘Bajrangi Bhaijaan’ mai bhi wo bahut hi akarshak dikahyi di hai.

Abhieta Shahid Kapoor ke saath apne sambandho aur pati Saif Ali Khan ke saath shadi se pehle live-in-relationship aur vivaah ke baad apne dharmantaran na karne aadi jese mudde ko lekar humesha charcha mai rehne wali manmohak abhinetri Kareena Kapoor  34 years ki ho gayi hai.

September 21, 1980 ko paida huyi Kareena Kapoor urf Bebo itni khubsurat kyu hai, unki fitness ka raaz kya hai?? Aadi se jude tips aaj hum aapko rubaru karwane wale hai taki apni favorite actress ki tarah aap bhi khud ko akarshak aur fit bana sake.

Kareena Kapoor Beauty Secrets: Bebo ki Skin Kese Hai Itni Beautiful

Jab Kareena Kapoor Shahid Kapoor ke saath sambandh mai thi tab wah puri tarah vegetarian ho gayi thi aur tab se lekar ab atk wah puri tarah shakahar hi leti hai. Unka manna hai ki vegetarian vyanjan twacha mai nikhar laata hai aur use jawan rakhne mai mahatvapurna sabit hota hai.

Jab baat makeup ki aayi to Kareena regular parlor jakar makeup karwane mai apna samay barbad nahi karti, unke anusar Beauty Products twacha ko bhari nuksaan pahuchahte hai isliye inka upyog kam se kam karna chaiye. Wah samanya tor par bina makeup rehna hi pasan karti hai. Kareena ke anusara pani ka paryapt sevan skin ke liye faydemand hota hai isliye wah adhik se adhik pani ka sevan karti hai.

Kareena Kapoor Hair Secrets: Bebo ke Khubsurat Baalo ka Raaz

Aajkal ki ladkiya tel lagane se bachte hai lekin Kareena ke khubsurat baalo ka raaz tel hi hai. Wah oil massage karwana pasand karti hai. Wah week mai 3 baar nariyal, jaitun, badam ka tel milakar lagati hai.

Baalo mai oil lagane se wese bhi baalo ko bahut fayda hota hai aur wo ghane aur chamakdar bante hai. Thik isi prakar Bebo bhi apne baalo ki bahut care karti hai.

Kareena Kapoor Hair Secrets

Kareena Kapoor Fitness Secret: Bebo ka Zero Size Figure ka Raaz

Bebo ka kehna hai ki har kisi ko apni diet par dhyan rakhna chahiye aur saath hi gym jakar workout bhi karna chahiye. Kareena apne khan-pan par vishesh dhyan rakhti hai kyuki unka kehna hai ki sehat hi aapke vyaktitva ki jhalak hoti hai isliye khud ko fit rakhna bahut jaruri hai.

Kareena ka din shuru hota hai 1 glass garam pani se aur nashte mai wah upma, idli ya phir bina tel ke parathe mai se koi ek chiz khati hai aur dophar ke bhojan se pehle brown bread ka ek sandwich khati hai.

Lunch mai who apne aahar mai daal, sabji aur roti shamil karti hai. Wah dopahar ke khane mai Carbohydrate aur Protien ki matra ka khaas khayal rakhti hai.

Raat ko khane mai Kareena Kapoor ki koshish rehti hai kuch halka khane ki. Wese to wah daal, sabji, roti ya phir dahi aur brown rice khati hai lekin kabhi-kabhar wah salad aur phal bhi khakar so jati hai. Iske alawa wah dinbhar mai 6-8 glass ubla huya pani bhi piti hai.

Kareena Kapoor Beauty Secrets

Bebo yani Kareena Yoga ki bhi bahut badi fan hai. Unka kehna hai ki jab unhone yoga karna shuru kiya hai tab se unki jindagi badal gayi hai. Yoga se na to unka sharirik swasth bana rehta hai. Blaki yeh unke mashtishk ko bhi swaccha rakhne mai sahayak siddh hota hai. Kareena gym to jati hi hai lekin din mai ek ghanta wah power yoga aur surya namaskar ko bhi deti hai.

To agar aap bhi Bebo ka fan hai aur unke kuch aise secrets ko apnakar sundar aur fit dikhna chahti hai to aap ji se Kareena Kapoor Beauty Secrets aur Fitness Tips ko dhyan mai rakhkar bilkul unke jese dikhe.

See related news here

Be the first to comment on "Kareena Kapoor Beauty Secrets: Dikhiye Bebo Jese Sundar"

Leave a comment